Bakı, 7 may, AZƏRTAC

Azərbaycan Basketbol Liqasında yarımfinal mərhələsinə start verilib.

AZƏRTAC xəbər verir ki, günün yeganə qarşılaşmasında “Sabah” və “Xırdalan” komandaları üz-üzə gəlib. “Sərhədçi” İdman Mərkəzində oynanılan görüş birincilərin 101:85 hesablı qələbəsi ilə yekunlaşıb.

Komandalar arasında ikinci matç mayın 10-da baş tutacaq.

Qeyd edək ki, yarımfinalın digər matçı mayın 8-də “NTD-İndiqo” və “Xəzri” arasında keçiriləcək.