ELM VƏ TƏHSİL
“Yəhya bəy Dukaqini və onun “Gəncineyi-raz” əsəri” çapdan çıxıb
Bakı, 24 may, AZƏRTAC
Filologiya üzrə fəlsəfə doktoru Tünzalə Seyfullayevanın “Yəhya bəy Dukaqini və onun “Gəncineyi-raz” əsəri” adlı kitabı nəşr olunub.
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutundan AZƏRTAC-a bildiriblər ki, kitab iki hissədən ibarətdir. Birinci hissədə şairin həyatı, yaradıcılığı haqqında ətraflı məlumat verilib, “Gəncineyi-raz ” əsərinin Bakı əlyazma nüsxəsi tekstoloji-filoloji baxımdan tədqiq edilib. İkinci hissədə isə şairin bu əsərinin Əlyazmalar İnstitutunda saxlanılan əlyazmasının transfoneliterasiya və təshih edilmiş mətni verilib.
Nəşrin son hissəsində əsərdə işlənən ərəb-fars və qədim türk mənşəli sözlərin lüğəti təqdim edilib.
Kitabın elmi redaktorları filologiya elmləri doktoru Azadə Musayeva və filologiya üzrə fəlsəfə doktoru Əkrəm Bağırovdur.