Azad Ticarət Zonasına tətbiq ediləcək qanun layihəsi ilin sonunadək Milli Məclisə təqdim ediləcək VİDEO
Bakı, 5 iyun, Elvin Camalov, AZƏRTAC
Azad Ticarət Zonasında (ATZ) hüquqi rejimin tənzimlənməsi ilə bağlı qanun layihəsi bu ilin sonunadək Milli Məclisə təqdim ediləcək.
AZƏRTAC xəbər verir ki, bu sözləri "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov jurnalistlərə açıqlamasında deyib.
O bildirib ki, "DP World" şirkəti Azad Ticarət Zonası ilə bağlı görüləcək işləri yekunlaşdıraraq dövlətə təhvil verib. Hazırda isə ATZ-də hüquqi rejimin tənzimlənməsi ilə bağlı qanun layihəsi hazırlanır. Bunun üçün işçi qrupu yaradılıb və bura dövlət qurumları daxildir. Bu ilin sonunadək qanun layihəsi Milli Məclisə təqdim ediləcək və hüquqi rejim yaradıldıqdan sonra ATZ işlək vəziyyətə gətiriləcək.
Bölmənin digər xəbərləri
