İQTİSADİYYAT


10 bankın qorunan əmanətçilərinə 721,6 milyon manatdan çox kompensasiya ödənilib

A+ A

Bakı, 30 dekabr, AZƏRTAC

Əmanətlərin Sığortalanması Fondu tərəfindən dekabrın 29-dək “Parabank” ASC-nin qorunan əmanətçilərinə 42 milyon 937 min manat (ümumi kompensasiya öhdəliyinin 98 faizi), “Zaminbank”ın əmanətçilərinə 52 milyon 461 min manat (ümumi kompensasiya öhdəliyinin 72 faizi), “Kredobank”ın əmanətçilərinə 27 milyon 770 min manat (ümumi kompensasiya öhdəliyinin 98 faizi) və “Dekabank”ın əmanətçilərinə 3 milyon 22 min manatdan çox (ümumi kompensasiya öhdəliyinin 96 faizdən çoxu) kompensasiya ödənilib.

Fonddan AZƏRTAC-a bildiriblər ki, 4 bank üzrə ödənilən kompensasiyanın ümumi məbləği 126 milyon 190 min manatdan çoxdur.

Eyni zamanda, “Atrabank” ASC-nin və “Qafqaz İnkişaf Bankı” ASC-nin qorunan əmanətçilərinə, ümumilikdə 16 milyon 244 min manatdan çox kompensasiya ödənilib. Bunun da 14 milyon 270 min manatı (ümumi kompensasiya öhdəliyinin 97 faizdən çoxu) “Atrabank”ın, 1 milyon 974 min manatı (ümumi kompensasiya öhdəliyinin 92 faizi) “Qafqaz İnkişaf Bankı”nın payına düşür.

“Bank of Azerbaijan” ASC-nin qorunan əmanətçilərinə 24 milyon 148 min manat (ümumi kompensasiya öhdəliyinin 97 faizi), “Gəncəbank”ın əmanətçilərinə 976 min manat (ümumi kompensasiya öhdəliyinin 94 faizi), “Texnikabank”ın əmanətçilərinə isə 120 milyon 152 min manatdan çox (ümumi kompensasiya öhdəliyinin 98 faizi) kompensasiya ödənilib. Üç bank üzrə ödənilən kompensasiyanın ümumi məbləği 145 milyon 276 min manatdan çoxdur.

Eyni zamanda, Əmanətlərin Sığortalanması Fondu “Bank Standard” Kommersiya Bankının qorunan əmanətçilərinə 433 milyon 957 min manatdan çox (ümumi kompensasiya öhdəliyinin 97 faizi) kompensasiya ödəyib.

Ümumilikdə, Əmanətlərin Sığortalanması Fondu tərəfindən 10 bank üzrə 721 milyon 667 min manatdan çox kompensasiya ödənişi həyata keçirilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.