DÜNYA
Avropa İttifaqı Gürcüstana 231 milyon avro məbləğində maliyyə yardımı ayıracaq
Tbilisi, 20 noyabr, AZƏRTAC
Avropa İttifaqı Gürcüstana 231 milyon avro məbləğində maliyyə yardımı ayıracaq.
AZƏRTAC xəbər verir ki, bu barədə Gürcüstanın Xarici İşlər Nazirliyi məlumat yayıb.
Məlumatda bildirilir ki, bu barədə saziş noyabrın 21-də Avropa İttifaqının üzvləri ilə Gürcüstan hökumət nümayəndələri arasında Brüsseldə keçiriləcək görüşdə imzalanacaq.
İlk dəfə keçiriləcək görüşdə iştirak edən Gürcüstan nümayəndə heyətinə Baş nazir Mamuka Baxtadze, Avro İttifaqı tərəfindən nümayəndə heyətinə Jan Klod Yunker rəhbərlik edəcək.
Yüksək səviyyəli görüşdə Gürcüstanın iqtisadi, mədəni inkişafı, demokratik dəyərləri və Avropaya inteqrasiyası, regional layihələr, regional təhlükəsizlik və s. məsələlər müzakirə olunacaq.
Xətayi Əzizov
AZƏRTAC-ın xüsusi müxbiri
Tbilisi