ELM VƏ TƏHSİL
Ulu öndər Heydər Əliyevin Vətən və xalq qarşısında xidmətləri əvəzsizdir
Bakı, 11 dekabr, AZƏRTAC
Dekabrın 11-də Azərbaycan Dövlət Neft və Sənaye Universitetində (ADNSU) ulu öndər Heydər Əliyevin xatirəsinə həsr olunan anım mərasimi keçirilib.
ADNSU-dan AZƏRTAC-a bildiriblər ki, əvvəlcə dahi rəhbər Heydər Əliyevin əziz xatirəsi yad edilib, onun həyat və fəaliyyətinin ayrı-ayrı məqamlarını əks etdirən videosüjet nümayiş olunub.
Tədbirdə çıxış edən ADNSU-nun rektoru, professor Mustafa Babanlı böyük şəxsiyyət Heydər Əliyevin doğma Vətən və xalq qarşısında əvəzsiz xidmətlərindən danışıb, onun zəngin siyasi irsinin əhəmiyyətini vurğulayıb.
“İki sahil” qəzetinin baş redaktoru Vüqar Rəhimzadə müasir müstəqil Azərbaycan dövlətinin qurulmasında və inkişafında, dünyaya tanınmasında ümummilli lider Heydər Əliyevin müstəsna rolunu vurğulayıb. Bildirilib ki, ölkəmizdə qazanılan bütün nailiyyətlər Heydər Əliyev siyasətinin bəhrəsidir.
ADNSU-nun kafedra müdiri, professor Hüseynbala Mirələmov müdrik şəxsiyyət Heydər Əliyev ideyalarının əbədiyaşar olduğunu bildirib.