CƏMİYYƏT
Sabirabad rayonunda yeni doğulmuş uşağın ölməsi ilə bağlı istintaq tədbirləri davam etdirilir
Bakı, 21 sentyabr, AZƏRTAC
Sentyabrın 20-də saat 03 radələrində Sabirabad rayonunun Qasımbəyli kənd sakini Aytac Quliyevanın yeni doğulmuş uşağının ölməsi barədə rayon prokurorluğuna məlumat verilib.
Sabirabad Rayon Prokurorluğunun AZƏRTAC-a daxil olan məlumatında bildirilib ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.
Aparılmış araşdırmalarla Aytac Quliyevanın sentyabrın 16-da saat 13 radələrində doğuş sancıları ilə daxil olduğu Sabirabad Rayon Mərkəzi Xəstəxanasında qeysəriyyə əməliyyatı yolu oğlan uşağının dünyaya gəlməsi və həmin tarixdə yeni doğulmuş uşağın ölməsi müəyyənləşdirilib.
Hazırda fakt üzrə Sabirabad Rayon Prokurorluğunda araşdırma aparılır.