MƏDƏNİYYƏT
Dövlət Rəsm Qalereyası “Yeddi Gözəl” adlı virtual sərgi təşkil edəcək
Bakı, 25 fevral, AZƏRTAC
Azərbaycan Dövlət Rəsm Qalereyası “Nizami Gəncəvi İli” çərçivəsində “Yeddi Gözəl” adlı virtual sərgisi üçün əsər qəbulu elan edib.
Qalereyadan AZƏRTAC-a bildirilib ki, 8 mart - Beynəlxalq Qadınlar Gününə həsr olunmuş sərgi rəssamlıq sənətinə marağı artırmaq, cəmiyyətdə qadının roluna diqqət çəkmək məqsədilə təşkil olunacaq.
Sərgidə iştirak etmək istəyən rəssamlar öz ad və soyadını qeyd etməklə, əsərin fotosunu məlumatları ilə birlikdə [email protected] elektron poçt ünvanına göndərməlidirlər.
Əsərlərin qəbulu marın 1-dək aparılacaq.
Əlavə məlumat üçün 077-717-33-37 nömrəsi ilə əlaqə saxlamaq olar.