İQTİSADİYYAT


175 nömrəli marşrut xəttinin hərəkət trayektoriyası dəyişdirilib

Bakı, 20 iyun, Elvin Camalov, AZƏRTAC

175 nömrəli marşrut xəttinin hərəkət trayektoriyasına dəyişiklik edilib.

AZƏRTAC xəbər verir ki, bu barədə Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin müdiri Mais Ağayev deyib.

O bildirib ki, dəyişikliyə əsasən, 175 nömrəli marşrut xətti üzrə Nobel prospekti, İzzət Orucova küçəsi, Xocalı prospekti ilə hərəkət edən avtobuslar bundan sonra İzzət Orucova küçəsinə daxil olmadan Nobel prospekti, Nəcəfqulu Rəfiyev küçəsi, Xocalı prospekti ilə hərəkət edəcək. Dəyişiklik edilməsi ilə bağlı qərar Nəcəfqulu Rəfiyev küçəsi sakinlərinin Bakı Nəqliyyat Agentliyinə ünvanlanan çoxsaylı müraciətləri nəzərə alınaraq qəbul edilib.

M.Ağayev qeyd edib ki, hazırda 175 nömrəli müntəzəm marşrut xətti üzrə avtobuslar sınaq məqsədilə yenilənmiş trayektoriya ilə hərəkət edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.