REGİONLAR
Balakəndə indiyədək vətəndaşlara 16 min dozadan çox vaksin vurulub
Balakən, 18 may, Mustafa Dadaşov, AZƏRTAC
Koronavirus pandemiyasının qarşısının alınması məqsədilə ölkəmizdə həyata keçirilən vaksinasiya tədbirləri çərçivəsində Balakən rayonunda əhalinin COVID-19 infeksiyasına qarşı peyvənd olunması prosesi davam edir. Prosesə başlandığı gündən indiyədək rayon üzrə vətəndaşlara 16 min 93 doza vaksin vurulub.
Rayon icra hakimiyyətində yaradılan qərargahdan AZƏRTAC-ın bölgə müxbirinə bildirilib ki, indiyədək birinci mərhələ üzrə peyvənd olunan şəxslərin ümumi sayı 8 min 732 nəfər, ikinci mərhələ üzrə peyvənd olunanların sayı isə 7 min 361 nəfərdir.
Yaş qrupları üzrə bu günədək Balakən rayonunda 65 yaşdan yuxarı vətəndaşlara 2 min 908 doza, 50-65 yaş arasında vətəndaşlara 8 min 3 doza, 50 yaşadək vətəndaşlara isə 5 min 182 doza vaksin vurulub.