TARİXDƏ BU GÜN


19 İYUL

A+ A

1826-cı il. İran qoşunları Araz çayını keçərək Rusiyanın nəzarətində olan Şimali Azərbaycan torpaqlarına daxil olub. Beləliklə, İkinci Rusiya-İran müharibəsi (1826-1828) başlanıb. Müharibənin ilk günlərdə rusların hərbi qərargahı yerləşən Şuşa qalasını mühasirəyə alan İran (Qacarlar) taxt-tacının şahzadəsi Abbas Mirzənin qoşunları sonradan geri çəkilib. İran Rusiya ilə 1804-1813-cü illər müharibəsindəki məğlubiyyətin əvəzini çıxmağa çalışsa da, yenə məğlub olub. Türkmənçay müqaviləsinə əsasən (10 fevral 1828), bu dəfə İran öz nəzarətindəki İrəvan və Naxçıvan xanlıqlarını da Rusiyaya verməyə məcbur olub. Bununla da, Araz çayından şimalda bütün Azərbaycan torpaqlarının Rusiyaya ilhaqı başa çatdırılıb.

 

 

1920-ci il. Xalq Cümhuriyyətinin qurucularından biri, 1918-1920-ci illərdə Azərbaycan parlamentinin sədr müavini olmuş Həsən bəy Ağayev Tiflisdə erməni terrorçuları tərəfindən qətlə yetirilib. Azərbaycan Xalq Cümhuriyyətinin süqutundan sonra hökumətin bir sıra üzvləri hələ bolşevik Rusiyasının işğalına məruz qalmamış Gürcüstana mühacirət etmişdilər. Burada isə onları erməni terroru hədəf almışdı. 1920-ci ilin mayında Xalq Cümhuriyyətinin baş naziri Fətəli xan Xoyski də Tiflisdə qətlə yetirilmişdi.

 

1900-cü il. Paris metrosu açılıb. Qərbi Avropada ən qədim metro isə London metrosu sayılır. Paris yeraltı dəmiryolu ildə 1,365 milyard sərnişin daşıyır. Yolların uzunluğu 215 kilometrdir, 380 stansiyanı birləşdirir. Fransız metropoliteninin üstünlüyü stansiyaların rahat və əhatəli yerləşməsidir. Faktiki olaraq şəhərdə istənilən yerdən metroya məsafə 500 metrdən çox deyil. Paris metrosu öz əzəməti ilə öyünə bilər. Burada 14 xətt, 245 stansiya var. Paris metrosunda diqqəti çəkən cəhət isə vaqonların avtomatik olaraq yox, qatar dayanandan sonra əllə açılmasıdır.

1980-ci il. Moskvada Lenin adına Mərkəzi Stadionun böyük idman arenasında XXII Yay Olimpiya Oyunlarının açılışı olub. Oyunlar olimpiya hərəkatı tarixində Şərqi Avropa ərazisində, eləcə də sosialist ölkələrində ilk dəfə keçirilib.
1938-ci il. Tanınmış gürcü aktyoru və müğənni Vaxtanq Konstantinoviç Kikabidze Tbilisi şəhərində anadan olub. O, 1961-ci ildə Tbilisi Xarici Dillər İnstitutuna daxil olub və paralel şəkildə aktyorluq və müğənnilik karyerasını davam etdirib. Onun kinodakı ilk debütü 1966–cı ildə "Dağlarda görüş" filmindən başlayır. Aktyor bir sıra kinolarda çəkilsə də, ona əsl şöhrəti 1977-ci ildə Georgi Daneliyanın "Mimino" filmindəki baş rolu gətirib. Bu filmə görə o, 1978-ci ildə SSRİ Dövlət Mükafatına layiq görülüb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.

Bölmənin digər xəbərləri
07.12.2016 [09:00]
06.12.2016 [09:00]
05.12.2016 [09:00]
04.12.2016 [09:00]