RƏSMİ SƏNƏDLƏR

2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə Ana Vətən Partiyası səlahiyyətli nümayəndələr və maliyyə məsələləri üzrə səlahiyyətli nümayəndə təyin etmiş və həmin şəxslərin qeydə alınması üçün müvafiq sənədləri Azərbaycan Respublikasının Mərkəzi Seçki Komissiyasına təqdim etmişdir.

Azərbaycan Respublikasının Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb, həmin şəxslərin qeydə alınması üçün əsasların olmasını müəyyən etmişdir.

Yuxarıda qeyd edilənləri əsas götürərək Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 52-ci maddələrinə əsasən qərara alır:

1. 2015-ci il noyabrın 1-nə təyin edilmiş Azərbaycan Respublikasının Milli Məclisinə seçkilərdə aşağıdakı şəxslər Ana Vətən Partiyasının səlahiyyətli nümayəndələri və maliyyə məsələləri üzrə səlahiyyətli nümayəndəsi kimi qeydə alınsınlar:

1.1. Səlahiyyətli nümayəndələr:

Bayramov Ülvi Əskər oğlu

Mövludov Məhəddin Meydan oğlu

Şirinov Əlvan Ağa oğlu

Qasımova Aysel Etibar qızı

Məmmədov Əfqan Zahir oğlu

İsmayılov Şahbəndər Elləz oğlu

İsmayılov Arzu İsrafil oğlu

Baxşəliyev Yusif Yavər oğlu

Qurbanov Vahabəli Əlisoltan oğlu

Əliyev Samir Çırax oğlu

Şahbazov Əlibaba Fərzulla oğlu

1.2. Maliyyə məsələləri üzrə səlahiyyətli nümayəndə:

İbrahimov Mikayıl Vaqif oğlu

2. Qərar dərc edildiyi gündən qüvvəyə minir.

Sədr Məzahir Pənahov

Katib Arifə Muxtarova

Katib Mikayıl Rəhimov