İQTİSADİYYAT


2016-cı ildə Neft Fondundan dövlət büdcəsinə 7 milyard 615 milyon manat vəsait transfert edilib

Bakı, 25 yanvar, AZƏRTAC

2016-cı ildə Azərbaycan Respublikası Dövlət Neft Fondundan (ARDNF) dövlət büdcəsinə 7 milyard 615 milyon manat vəsait transfert edilib. Bu rəqəm 2015-ci illə müqayisədə 515 milyon manat və 6,3 faiz azdır.

AZƏRTAC xəbər verir ki, bu barədə Maliyyə Nazirliyinin yaydığı məlumatda deyilir.

Qeyd edək ki, Prezident İlham Əliyevin 10 yanvar 2017-ci il tarixli Fərmanı ilə Dövlət Neft Fondunun 2017-ci il üçün büdcəsi təsdiq edilib. Neft Fondunun təsdiq olunmuş büdcəsinə uyğun olaraq, 2017-ci ildə fondun gəlirlərinin 8 milyard 370 milyon 589,9 min manat, xərclərinin isə 14 milyard 483 milyon 856 min manat təşkil etməsi nəzərdə tutulur. Fərmana əsasən, ARDNF-dən Azərbaycan Respublikasının 2017-ci il dövlət büdcəsinə transfertin yuxarı həddi 6 milyard 100 milyon manat müəyyən edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.