SİYASƏT


28 May - Respublika Günü Barselonada qeyd olunub

Madrid, 29 may, AZƏRTAC 

"Barselonadakı Azərbaycanlılar Cəmiyyəti" 28 May – Respublika Günü münasibətilə tədbir təşkil edib.

Tədbirdə əvvəlcə Azərbaycanın dövlət himni səslənib. Daha sonra "Barselonadakı Azərbaycanlılar Cəmiyyəti"nin sədri Kərim Kərimov 99 il əvvəl müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranma tarixindən və fəaliyyətindən, qısa müddət ərzində gördüyü misilsiz işlərdən danışıb.

Qeyd edilib ki, etnik və dini mənsubiyyətindən asılı olmayaraq bütün vətəndaşların bərabər hüquqlarının tanınması, hətta bir çox Avropa ölkələrindən daha əvvəl qadınlara seçki hüququnun verilməsi, Azərbaycan dilinin dövlət dili elan edilməsi, təhsil və mədəniyyətin inkişafına xüsusi diqqət göstərilməsi, nizami milli ordunun, təhlükəsizlik strukturlarının qurulması Xalq Cümhuriyyəti hökumətinin yürütdüyü siyasətin miqyasını, mahiyyət və mənasını əyani şəkildə səciyyələndirir.

Daha sonra tədbir iştirakçıları çay süfrəsinə dəvət olunub.

Aygün Əliyeva

AZƏRTAC-ın xüsusi müxbiri

Barselona

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.