İQTİSADİYYAT


30-dan artıq sahibkar bu gündən Azexport.az-la əməkdaşlığa başlayır

Bakı, 22 fevral, AZƏRTAC

Azərbaycanın müxtəlif şəhər və rayonlarından olan 30-dan artıq sahibkar bu gündən Azexport.az-la əməkdaşlığa başlayır.

AZƏRTAC xəbər verir ki, İqtisadi İslahatların Təhlili və Kommunikasiya Mərkəzində təşkil olunan görüşdə iş adamları ilə Azexport portalının rəhbəri Zaur Qardaşov görüşüb. O bildirib ki, Azərbaycan sahibkarlıqla məşğul olan şirkətlər Azexporta məhsullarını əlavə etməkdə maraqlıdır. Bunun da nəticəsi olaraq, yerli məhsullara Çin, Rusiya, Gürcüstan, Misir, Bolqarıstan, Türkiyə, Belarus, Pakistan və başqa ölkələrdən şərab, toyuq əti, yumurta, nar şirəsi, alma, viski və digər məhsullara böyük həcmdə sifarişlər daxil olub.

Daha sonra portalla əməkdaşlıq edən şirkətlərin təmsilçilərinə məhsul və xidmətlər haqqında məlumatların portala daxil edilmə yolları izah edilib, portal barədə ətraflı məlumat verilib. Görüş zamanı, həmçinin sahibkarlara qaranlıq qalan məqamlara aydınlıq gətirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.