Böyük Britaniya Parlamentinin Lordlar Palatasında Xocalı faciəsi ilə bağlı konfrans keçirilmişdir
Bakı, 25 fevral (AZƏRTAC). İslam Konfransı Gənclər Forumundan AZƏRTAC-a bildirmişlər ki, Böyük Britaniya Parlamentinin Lordlar Palatasında Xocalı soyqırımının 19-cu ildönümü ilə bağlı konfrans keçirilmişdir.
“Xocalıya ədalət” kampaniyası çərçivəsində keçirilmiş konfransda kanadalı ekspert, Xocalı faciəsini tədqiq etmiş Skot Teylor və lord Layard əsas məruzəçilər qismində çıxış etmişlər.
Azərbaycanın Böyük Britaniyadakı səfirliyinin və Avropa Azərbaycanlıları Cəmiyyətinin birgə təşkilatçılığı ilə keçirilmiş tədbirdə Lordlar Palatasının üzvləri, ictimai-siyasi xadimlər, jurnalistlər iştirak etmişlər.
######
Bölmənin digər xəbərləri
