İDMAN
İsveç pəhləvanları ilk Avropa Oyunlarında qadın və yunan-Roma güləşi yarışlarında mübarizə aparacaqlar
Bakı, 25 aprel, AZƏRTAC
İsveç komandası “Bakı-2015” ilk Avropa Oyunlarının güləş yarışlarında 13 idmançı ilə təmsil olunacaq.
AZƏRTAC “Bakı-2015”ə istinadla xəbər verir ki, Heydər Əliyev adına İdman Sarayında xalça üzərinə qadınların yarışında Josefine Frederiksen (48 kq), Fredrika Peterson (53 kq), üçqat Avropa çempionu Sofia Mattsson (55 kq), ikiqat Avropa çempionu Johanna Mattsson (60 kq), Avropa çempionu Henna Johansson (63 kq), “London-2012” Olimpiya Oyunlarının çempionu Jenny Fransso (69 kq) çıxacaqlar.
İsveçin yunan-Roma güləş komandasının heyətində Şarur Vardanyan (66kq), Zakarias Tallroth (71kq), “London-2012” Olimpiya Oyunlarının çempionu Robert Rosengren (75 kq), Alexander Jersgren (80kq), Emil Sandahl (85kq), “Pekin-2008” Olimpiya Oyunları, 2009-cu il Aralıq Dənizi Oyunlarının gümüş medalçısı Theodoros Tounousidis (96 kq) və Sebastian Lönnborn (130kq) yer alıblar.