Fransa jurnalında istedadlı gənc rəssam Məryəm Ələkbərli haqqında məqalə dərc edilib
Paris, 4 avqust, AZƏRTAC
Həftəlik “France Dimanche” jurnalında istedadlı gənc rəssam Məryəm Ələkbərli haqqında məqalə dərc edilib.
Məqalədə incəsənət tarixçisi xanım Janet Zvinjenberjer Məryəmin əl işlərindən ibarət sərgilərin artıq dünyanın bir çox ölkələrində təşkil olunduğunu qeyd edir, onun əsərlərinin məziyyətlərindən söhbət açır. O, azərbaycanlı gənc rəssamın öz daxili aləmini və hisslərinin dialoqunu rəsmlərin və rənglərin köməyi ilə ifadə etdiyini vurğulayır.
J.Zvinjenberjer Məryəmin müasir incəsənətə yaxşı bələd olduğunu qeyd edərək onun rəng seçimi və kompozisiya istedadına heyran qaldığını bildirir.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
