SİYASƏT


ABŞ Prezidenti Dağlıq Qarabağ münaqişəsinin nizamlanması üzrə Rusiyanın səylərini yüksək qiymətləndirib

A+ A

Bakı, 6 iyul, AZƏRTAC

Bu gün Rusiya Prezidenti Vladimir Putinlə  ABŞ Prezidenti Barak Obama arasında telefon danışığı olub.

AZƏRTAC TASS informasiya agentliyinə istinadla xəbər verir ki, telefon danışığı zamanı ABŞ prezidenti Dağlıq Qarabağ münaqişəsinin nizamlanması üzrə Rusiyanın səylərini yüksək qiymətləndirib.

Vladimir Putin iyunun 20-də Sankt-Peterburqda Azərbaycan Prezidenti İlham Əliyev və Ermənistan Prezidenti Serj Sarkisyanın iştirakı ilə keçirilən üçtərəfli görüşün yekunlarına dair Barak Obamanı məlumatlandırıb. O deyib ki, bu görüşü təşkil etməklə Rusiya münaqişə zonasında vəziyyətin sabitləşməsinə və sülh prosesində irəliləyişə nail olunmasına çalışıb.

Putin amerikalı həmkarı ilə Suriya məsələsini də müzakirə edib.

Telefon danışığı Rusiya tərəfinin təşəbbüsü ilə baş tutub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.