DÜNYA


ABŞ Qatar Airways aviareyslərində elektron qurğular aparılmasına qadağanı götürüb

Bakı, 6 iyul, AZƏRTAC

Qatar Airways kompaniyası bu ölkədən ABŞ-a uçan təyyarələrin salonunda fərdi elektronik qurğular aparılmasına qoyulan qadağanın götürdüyünü bəyan edib.

AZƏRTAC RİA Novosti informasiya agentliyinə istinadla xəbər verir ki, bəyanatda indi Dohadan ABŞ-a uçan bütün təyyarələrin göyərtəsində elektron cihazlar aparılmasına icazə verildiyi deyilir. Bu, Qətərin Hamad beynəlxalq aeroportunun Birləşmiş Ştatların təhlükəsizliklə bağlı bütün yeni tələblərini yerinə yetirməsi ilə izah olunur.

Bir qədər əvvəl Türkiyə Hava Yolları, habelə Etihad və Emirates aviaşirkətləri də bu qadağanın ləğv olunduğunu bildiriblər.

Rəsmi Vaşinqton mobil telefonların ölçüsündən böyük olan elektron qurğuların ABŞ-a yollanan təyyarələrin salonunda daşınmasına qadağanı martın sonlarında qoymuşdu. Bu qadağa Yaxın Şərq və Şimali Afrikanın səkkiz ölkəsinə tətbiq olunurdu.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.