DÜNYA


ABŞ Senatı “Obamacare” islahatlarının ləğvi prosesinə başlayıb

Bakı, 12 yanvar, AZƏRTAC

ABŞ Senatı Prezident Barak Obamanın səhiyyə sahəsindəki islahatlarını ləğv etmək istiqamətində ilk addımlar atıb.

AZƏRTAC Interfax informasiya agentliyinə istinadla xəbər verir ki, senatorlar səhiyyə sistemində “Obamacare” kimi tanınan “Affordable Care Act” qanununun ləğv olunması prosesini işə salacaq büdcə haqqında qətnamənin qəbul edilməsinə səs veriblər.

Qətnamə altı saat davam edən müzakirələrdən sonra “lehinə” 51 və “əleyhinə” 48 faiz səslə qəbul olunub. Bundan sonra profil komitələrində islahatların ləğvi və yeni sistemə keçid üçün vacib qanun layihələrinin hazırlanması işlərinə başlanılacaq.

ABŞ-ın seçilmiş prezidenti, respublikaçı Donald Tramp “Obamacare” islahatlarından imtina etmək və daha az xərc tələb edən effektiv səhiyyə sistemi hazırlamaq niyyətində olduğunu dəfələrlə bildirmişdi.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.