DÜNYA


ABŞ Silahlı Qüvvələrinə məxsus konvertoplan Avstraliya sahillərində qəzaya uğrayıb

Tokio, 5 avqust, AZƏRTAC 

ABŞ dəniz piyadaları korpusuna məxsus olan MV-22 Osprey konvertoplanı Avstraliya sahillərində qəzaya uğrayıb. Konvertoplanın göyərtəsində olan 26 nəfərdən 23-nün xilas edildiyi bildirilir.

Bu barədə məlumat Yaponiyanın Okinava adasında yerləşən ABŞ dəniz piyadaları 3-cü ekspedisiya korpusunun saytında yerləşdirilib. Məlumatda deyilir: “ABŞ dəniz piyadaları korpusu Avstraliyanın şərq sahillərində qəzaya uğramış MV-22 konvertoplanında olan hərbiçilərlə əlaqədar axtarış-xilasetmə əməliyyatının aparıldığını təsdiq edir”.

Korpus təsdiq edib ki, “Bonhomme Richard” desant gəmisinin göyərtəsindən havaya qalxan və planauyğun əməliyyat keçirən MV-22 suya düşüb.

Avstraliyanın müdafiə naziri Maris Peyn bəyan edib ki, o, axtarış-xilasetmə əməliyyatı keçirən ABŞ hərbiçilərinə hər cür kömək göstərməyə hazır olduqlarını bildirib.

Şənbə günü axşam saatlarında müdafiə nazirinin yaydığı bəyanatda deyilir: “Mən Şoluoter-Bey buxtasında olan Baş nazir Malkolm Ternbulla hadisə barədə məlumat vermişəm və ABŞ-ın müdafiə naziri Ceyms Mettisə çatdırmışam ki, Avstraliya hər cür yardım göstərməyə hazırdır”.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.