DÜNYA


ABŞ-da ilk dəfə olaraq polis əməkdaşı terrora dəstəkdə ittiham edilir

A+ A

Bakı, 6 avqust, AZƏRTAC

ABŞ-da ilk dəfə olaraq bir polis əməkdaşı terrora dəstək göstərməkdə ittiham edilir.

Paytaxt Vaşinqtonda metroda polis məmuru işləyən 36 yaşlı Nikolas Yanqın İŞİD-ə maddi dəstək göstərməyə cəhd etdiyi bildirilib.

Federal İstintaq Bürosunun (FBI) nümayəndəsi Endryu Ames N.Yanqın terrora görə mühakimə ediləcək ilk polis məmuru olacağını qeyd edib.

İttiham edilən polis məmurunun vəkili Coşua Stueve isə müvəkkilinin metro sistemi üçün hər hansı təhdid yaratmadığını söyləyib.

FBI İŞİD-ə yardım etməyə çalışan Yanqın terror cinayətlərində ittiham edilən iki nəfər ilə yaxın əlaqədə olduğunu da bildirib. O, 2010-cu ildən bəri FBI tərəfindən izlənilib. 2011-ci ildə iki dəfə Liviyaya gedən Yanqın orada Müəmmər Qəddafini devirən üsyançılara qoşulduğu qeyd edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.