ELM VƏ TEXNOLOGİYA


ABŞ domen adları üzərində nəzarətdən məhrum olacaq

A+ A

Bakı,22 avqust, AZƏRTAC

ABŞ hakimiyyəti internet infrastrukturunun əsas komponenti üzərində nəzarət səlahiyyətindən imtinaya dair qərar verib. Söhbət qlobal domen adları sistemindən ("DNS"-"Domain Name System") gedir.

AZƏRTAC “BBC.com” saytına istinadən xəbər verir ki, IP ünvan və domen adları üzrə məsələlərin tənzimlənməsi ilə 1998-ci ildə təsis edilmiş “ICANN” qeyri-kommersiya təşkilatı məşğul olur. Təşkilat yarandığı gündən istənilən mübahisəli məsələlərin həllində son söz sahibi olan ABŞ Ticarət Nazirliyinin bölməsi Milli Telekommunikasiya və İnformasiya Administrasiyası (“NTIA”) tərəfindən idarə olunub.

Ekspertlərin fikrincə ABŞ hakimiyyəti 2016-cı il oktyabrın 1-də “ICANN” üzərində olan səlahiyyətlərindən imtina edəcək. Təşkilatın mənzil-qərargahı Los-Ancelesdə qalacaq, ancaq ABŞ hökuməti “NTIA” vasitəsilə internet ünvanlarla bağlı məsələlərə daha müdaxilə edə bilməyəcək. Adi istifadəçilər heç bir fərq hiss etməyəcək, çünki “ICANN” təşkilatı “DNS”i idarəetmə funksiyasına malikdir. Amma yeni struktur bütün maraqlı tərəflərin (hökumətlər, biznes və beynəlxalq internet cəmiyyətinin başqa üzvləri) rəyini nəzərə alacaq.

Bu qərarın əleyhinə olan tənqidçilər bildiriblər ki, “ICANN” üzərində nəzarətdən imtina edilməsi xarici dövlətlərin əl-qolunu açacaq, nəticədə onlar senzura tətbiq edə və öz ərazisində istənilən sayta girişi məhdudlaşdıra biləcəklər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.