İQTİSADİYYAT


ABŞ-ın Enerji İnformasiya Administrasiyası: OPEC ölkələrindən neft idxalı artıb

A+ A

Bakı, 28 oktyabr, Nihad Budaqov, AZƏRTAC

Neft İxrac edən Ölkələr Təşkilatına (OPEC) üzv ölkələrdən neft idxalının həcmi bu ilin ilk yeddi ayı ərzində gündəlik orta hesabla 3,422 milyon barrel təşkil edib.

AZƏRTAC xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb. Bildirilir ki, cari ilin ilk yeddi ayında neft idxalının aylıq statistikasına görə ən aşağı səviyyə yanvar ayında - sutkada 3,052 milyon barrel təşkil edib. Neft idxalında ən yüksək həcm isə iyul ayında – gündəlik 3,803 milyon barrel qeydə alınıb. 2015-ci ildə ən yüksək göstərici sutkada orta hesabla 2,894 milyon barrel, 2014-cü ildə gündəlik 3,237 milyon barrel olub.

OPEC ölkələrindən neft idxalı 2015-ci ilin ilk yeddi ayında orta hesabla sutkada 2,826 milyon barrel, 2014-cü ildə gündəlik 3,431 milyon barrel təşkil edib.

Dünya Bankı isə bu il dünyada neftə olan tələbatın gündəlik 1,2 milyon barrel (1,3 faiz) artaraq sutkada orta hesabla 96,3 milyon barrel olacağını proqnozlaşdırır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.