DÜNYA


ABŞ-ın vitse-prezidenti Latviyaya səfər edib

A+ A

Riqa, 23 avqust, AZƏRTAC

Latviya Prezidenti Dəftərxanasının mətbuat xidməti bildirir ki, bu gün ABŞ-ın vitse-prezidenti Co Bayden Riqaya gəlib. O, üç Baltik ölkəsinin prezidentləri ilə görüşəcək. ABŞ vitse-prezidentinin, həmçinin Latviya Prezidenti Raymond Veyonis və Baş nazir Maris Kuçinskislə danışıqları nəzərdə tutulur. Co Bayden Riqada olduğu müddətdə Baltik ölkələri əhalisinə ünvanlanan nitq də söyləyəcək.

ABŞ-ın vitse-prezidenti Latviyaya R.Veyonisin dəvəti ilə gəlir. LETA agentliyi qeyd edir ki, xarici siyasət üzrə ekspertlər və politoloqlar bu səfəri NATO-nun Varşava Sammitindən sonra Baltik ölkələri üçün xüsusilə vacib olan ABŞ-ın siyasi dəstəyinin təzahürü adlandırırlar.

ABŞ-ın Demokratlar Partiyasını təmsil edən Co Bayden vitse-prezident postuna 2009-cu ildə təyin edilib. 2011-ci ildə Latviya Prezidenti Valdis Zatlers Vaşinqtonda Co Baydenə II dərəcəli Üç ulduz ordeni təqdim edib.

Nigar Cəfərli

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.