DÜNYA


ABŞ-ın xam neft ehtiyatları azalıb

Bakı, 25 may, Nihad Budaqov, AZƏRTAC

ABŞ-da xam neft ehtiyatları ötən hesabat həftəsində 4,4 milyon barrel azalıb. Bu, o deməkdir ki, ölkədəki neft ehtiyatları ardıcıl 7 həftədir azalır.

AZƏRTAC xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb. Bildirilir ki, ölkədə xam neft ehtiyatları ötən həftə 0,9 faiz azalaraq 516,3 milyon barrel olub. Bazar proqnozları isə ehtiyatların 2,4 milyon barrel azalacağı istiqamətində idi. Əvvəlki həftə isə xam neft ehtiyatları 1,8 milyon barrel azalmışdı.

ABŞ-ın strateji neft ehtiyatları da keçən həftə 0,4 milyon barrel (0,1 faiz) azalaraq 687,7 milyon barrelə enib. Ölkədəki benzin ehtiyatları isə sözügedən həftə 0,8 milyon barrel (0,3 faiz) azalaraq 239,9 milyon barrelə düşüb. Bazar proqnozları isə ehtiyatların 1,2 milyon barrel azalacağı istiqamətində idi. Benzin ehtiyatları əvvəlki həftə 0,4 milyon barrel azalmışdı.

Ötən həftə ABŞ-da xam neft istehsalı əvvəlki həftə ilə müqayisədə gündəlik orta hesabla 15 min barrel artaraq 9,32 milyon barrelə çatıb. Xam neft idxalı isə sözügedən həftə əvvəlkinə nisbətən gündəlik orta hesabla 296 min barrel azalaraq 8,29 milyon barrelə enib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.