DÜNYA


ABŞ polisi Berlinqton qatilinin şəklini yayımlayıb VİDEO

A+ A

Bakı, 24 sentyabr, AZƏRTAC

Amerikanın Vaşinqton ştatının hökuməti və polisi axtarışda olan qatilin foto şəklini yayımlayıb və əhalidən onu tapmaq üçün kömək göstərməyi xahiş edib.

AZƏRTAC Rusiyanın NTV telekanalına istinadla xəbər verir ki, Amerika KİV-ləri Berlinqton şəhərindəki “Cascade Mall” ticarət mərkəzində insanlara atəş açan qatilin nəzarət kameralarına düşən kadrlarını yayımlayıb. Kadrlarda qara futbolka geyinən və əlində silah tutan qaraşın oğlan qeydə alınıb. Xarici əlamətlərinə görə o, latın amerikalıya bənzəyir.

Polis, həmçinin hücum zamanı həlak olanlar barədə informasiyanı da dəqiqləşdirib. Son məlumata görə, atışma nəticəsində 3 qadın həyatını itirib, iki nəfər isə güllə yarası alıb.

Şahidlərin sözlərinə görə, silahlı şəxs ticarət mərkəzinə daxil olduqdan sonra müştərilərə atəş açmağa başlayıb, sonra isə hadisə yerindən qaçıb. İnsidentin baş verdiyi ərazi nəzarət altına alınıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.