SİYASƏT


ADA Universitetinin XI Yay Enerji Məktəbinin bağlanış mərasimi olub

Bakı, 21 iyul, AZƏRTAC

Xarici işlər naziri Elmar Məmmədyarov iyulun 9-21-də ADA Universiteti tərəfindən təşkil olunan XI Yay Enerji Məktəbinin bağlanış mərasimində çıxış edib.

Xarici İşlər Nazirliyinin mətbuat xidmətindən AZƏRTAC-a bildiriblər ki, Elmar Məmmədyarov Azərbaycanın neft tarixindən və uğurlu enerji diplomatiyasından söz açıb, bu xüsusda Bakı-Tbilisi-Ceyhan neft, Bakı-Tbilisi-Ərzurum qaz kəmərləri, Azərbaycanın təşəbbüskarı olduğu Cənub Qaz Dəhlizi və onun mühüm tərkib hissəsi olan TANAP/TAP layihələrini xüsusi qeyd edib. Nazir, həmçinin Xəzərin hüquqi statusu, Azərbaycanın Avropa İttifaqı ilə əlaqələri, Ermənistan-Azərbaycan, Dağlıq Qarabağ münaqişəsinin həlli prosesi, ətraf mühitin qorunması sahəsində beynəlxalq proseslər və digər məsələlər barədə sualları cavablandırıb.

Sonda yay məktəbinin məzunlarına sertifikatlar təqdim olunub.

XI Yay Enerji Məktəbinin builki iştirakçıları sırasında Azərbaycan, Macarıstan, Kolumbiya, Rusiya, ABŞ, İspaniya, Meksika, Malayziya, Çexiya və İsraildən nümayəndələr olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.