CƏMİYYƏT


ADİU-da yay imtahan sessiyasına həsr olunan “Açıq qapı” günü keçirilib

A+ A

Bakı, 4 iyul, AZƏRTAC

İyulun 2-də Azərbaycan Dövlət İqtisad Universitetində (ADİU) növbəti “Açıq qapı” günü keçirilib. Tədbir yay imtahan sessiyasına həsr olunub.

ADİU-dan AZƏRTAC-a bildirilib ki, “Açıq qapı”da tələbələrin, valideynlərin və ictimaiyyət nümayəndələrinin imtahan sessiyası ilə bağlı müraciətləri dinlənilib. Müraciətlər daha çox imtahanlarda yaranan problemlər, xüsusən imtahanların nəticələri, kəsrlər, güzəştlərin əldə edilməsi, təhsil haqları ilə bağlı olub. Bəzi tələbələr imtahan cavablarının yenidən yoxlanılmasını təklif ediblər.

Universitetdə çalışmaq istəyənlər, xüsusən də pedaqoji fəaliyyətlə məşğul olmaq niyyətində olanlar qəbula gələnlər arasında çoxluq təşkil edib.

Müraciətlərin operativ araşdırılaraq vaxtında tədbirlərin görülməsi məqsədilə aidiyyəti struktur bölmələrinə tapşırıqlar verilib.

“Açıq qapı”ya 70-dən çox müraciət daxil olub.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.