ELM VƏ TƏHSİL


ADNSU ilə Perm Milli Tədqiqat Politexnik Universiteti arasında əməkdaşlıq genişlənir

Bakı, 7 iyun, AZƏRTAC

İyunun 7-də Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlının Rusiyanın Perm Milli Tədqiqat Politexnik Universitetinin “Neft-qaz yataqlarının geologiyası və işlənməsi” elmi-tədris mərkəzinin direktoru Pavel İlyuşin, mərkəzin direktor müavini Anton Qarbuşin və “Lukoil Perm” MMC-nin inteqral əməliyyat mərkəzinin rəisi Anton Kozlov ilə görüşü olub.

ADNSU-dan AZƏRTAC-a bildiriblər ki, görüşdə M. Babanlı rəhbərlik etdiyi ali məktəbin fəaliyyəti, beynəlxalq əlaqələri, təhsil müəssisəsində tədris olunan ixtisaslar, qazanılan uğurlar barədə ətraflı məlumat verib. UFAZ və Startap layihələrindən danışan rektor ADNSU-da əsas məqsədin müasir tələblərə uyğun, yüksək ixtisaslı mütəxəssislərin hazırlanması olduğunu qeyd edib. Rektor təhsil müəssisələri arasında tələbə mübadiləsinin genişləndirilməsinin əhəmiyyətini vurğulayıb.

Startap sahəsində ADNSU-nun maraqlı təcrübəsi olduğunu xatırladan Pavel İlyuşin müvafiq istiqamətlərdə əməkdaşlığa başlamağın vacibliyini diqqətə çatdırıb.

Görüşdə iki universitet arasında yeni əməkdaşlıq memorandumunun imzalanması barədə razılıq əldə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.