ELM VƏ TƏHSİL


ADNSU-nun rektoru Universitet Prezidentləri Beynəlxalq Assosiasiyasının Vyana konfransında iştirak edir

Bakı, 7 iyul, AZƏRTAC

Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı Avstriyada Universitet Prezidentləri Beynəlxalq Assosiasiyasının (UPBA) Vyana konfransında iştirak edir.

ADNSU-dan AZƏRTAC-a bildiriblər ki, tədbirdə təşkilatın yeni rəhbərliyi müəyyənləşdirilib. Bundan sonrakı üçillik dövrdə UPBA-nın sədrliyi Qafqaz Universitetinin (Gürcüstan) rektoru Kaxa Şengeliya, baş katibliyi Yuxarı Avstriya Tətbiqi Elmlər Universitetinin (Avstriya) rektoru Gerald Rayzinger tərəfindən həyata keçiriləcək.

UPBA-nın inkişafının yeni dövründə professor M.Babanlıya qurumun regional əlaqələndiriciliyi, həmçinin 2018-ci ilin yazında qurum çərçivəsində Bakıda beynəlxalq konfransın keçirilməsi təklif edilib.

Avropa, Amerika, Asiya və Afrikadan 200-dən çox universitet rəhbərinin iştirak etdiyi tədbirdə M.Babanlı çoxlu sayda görüşlər keçirib, bir sıra ali məktəblərlə ikitərəfli əməkdaşlıq məsələlərini müzakirə edib və müəyyən razılıqlar əldə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.