ELM VƏ TƏHSİL


ADU-da “Azərbaycan və Çinin qabaqcıl gəncləri” adlı tədbir keçirilib

Bakı, 29 iyun, AZƏRTAC

İyunun 29-da Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Çin Kommunist Partiyasının yaranması gününə həsr olunan “Azərbaycan və Çinin qabaqcıl gəncləri” adlı tədbir keçirilib.

ADU-dan AZƏRTAC-a bildirilib ki, Konfutsi İnstitutunun direktoru, professor Rafiq Abbasov Çin Kommunist Partiyasının rəhbərlik etdiyi, qabaqcıl gənclərin kütləvi təşkilatı olan Çin Gənclər İttifaqının fəaliyyəti haqqında danışıb. O, Çin gənclərinin Çin millətinin möhtəşəm dirçəlişi üçün “Çin arzuları”nın həyata keçməsinə, zəngin, qüdrətli, sivil və müasir dövlətin yaranmasına layiqli töhfələr verdiklərini xüsusi vurğulayıb.

Konfutsi İnstitutunun Çin tərəfindən direktoru Li Jinhua cəmiyyətin ideologiyasının gənclərin tərbiyə və təhsilinə təsirinin mühüm əhəmiyyət kəsb etdiyini bildirib, Çin dilinin öyrənilməsinin “Çin arzuları”nın başa düşülməsinə kömək etdiyini söyləyib.

Tədbir çərçivəsində Xuçjou Universiteti tərəfindən Çində təşkil olunan yay düşərgəsində iştirak edəcək Konfutsi İnstitutunun Çin dili kurslarının dinləyicilərinə diplomlar təqdim olunub. Düşərgənin proqramına Çin dilinin intensiv tədrisi, Çinin mədəniyyəti və tarixi üzrə mühazirələr kursu, həmçinin geniş mədəni tədbirlər daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.