İDMAN


AFFA “İnter” futbol klubunun idarəetməsini öz üzərinə götürüb

A+ A

Bakı, 31 yanvar, AZƏRTAC 

Xəbər verdiyimiz kimi, “Azərbaycan Beynəlxalq Bankı” ASC-nin (ABB) İdarə Heyəti bank tərəfindən “İnter” peşəkar idman klubuna sponsorluğun dayandırılması haqqında qərar vermişdi. ABB tərəfindən verilən rəsmi açıqlamada sponsorluğun dayandırılmasına səbəb kimi yeni fəaliyyət mərhələsində olan bankda biznesin optimallaşdırılması və restrukturizasiya proseslərinin aparılması göstərilir.

AZƏRTAC xəbər verir ki, bankın müvafiq qərarla əlaqədar Azərbaycan Futbol Federasiyaları Assosiasiyasına (AFFA) müraciətinə və bank ilə AFFA arasında bağlanmış müqaviləyə uyğun olaraq “İnter” peşəkar idman klubunun idarəçiliyini qarşı tərəfə verir. AFFA tərəfindən ABB-nin təklifinin qəbul edilməsində məqsəd Azərbaycan futbolunun, həmçinin futbolçuların maraqlarını qorumaq, Premyer Liqanın əsas komandalarından biri olan “İnter”in mövsümün sonunadək fəaliyyətini təmin etməkdir. AFFA klubun idarəetməsini öz üzərinə götürməklə bərabər yeni sponsor axtarışına başlayıb.

Fevralın 1-dən assosiasiya klubun idarəçiliyini öz üzərinə götürəcək. AFFA-nın hüquq və kadr şöbəsinin müdiri Rəmiş Malıyev “İnter”də səlahiyyətli nümayəndəsi təyin olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.