REGİONLAR


AFFA-nın Məşqçilər Komitəsi Gəncədə uşaq futbolunun inkişafı istiqamətində görülən işlərlə tanış olublar

A+ A

Gəncə, 25 oktyabr, Rauf Hacıyev, AZƏRTAC

AFFA-nın Məşqçilər Komitəsi Gəncədə olub, uşaq futbolunun inkişafı istiqamətində görülən işlərlə maraqlanıblar.

AZƏRTAC xəbər verir ki, AFFA-nın İcraiyyə Komitəsinin üzvü, Məşqçilər Komitəsinin sədri Vaqif Sadıqov, üzvləri Ağasəlim Mircavadov və Şakir Qəribov “Kəpəz” Peşəkar Futbol Klubunda uşaq yaş qruplarında çalışan məşqçilər heyəti ilə görüşüblər.

Son bir ildə ikinci dəfə Gəncəyə gələn qonaqlar klubdakı vəziyyətlə maraqlanıb, ötən müddətdə uşaq futbolunun inkişafı istiqamətində görülən işlərlə tanış olublar.

“Kəpəz” PFK-nın Müşahidə Şurasının üzvü Mikayıl Nərimanoğlu və icraçı direktor Cabir İbrahimovun iştirak etdiyi görüşdə bir sıra məsələlər müzakirə olunub, gələcəkdə görüləcək işlər haqqında qarşılıqlı fikir mübadiləsi aparılıb.

Nümayəndə heyəti Gəncə şəhər stadionunun məşq şəraitini və ayrı-ayrı yaş qrupları üzrə komandaların hazırlıq prosesini öyrənib, həmçinin AFFA-nın təşkilatçılığı ilə keçirilən Azərbaycan birinciliyinin Gəncə zonası üzrə yarışları izləyiblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.