Aİ “Avropa superkompüterləri”nin yaradılmasına bir milyard avro sərmayə yatırmağı planlaşdırır
Riqa, 11 yanvar, AZƏRTAC
Avropa Komissiyasının mətbuat xidmətinin yaydığı məlumata görə, Aİ “Avropa superkompüterlərinin” yaradılmasına bir milyard avro sərmayə yatırmağı planlaşdırır.
AZƏRTAC xəbər verir ki, Avropa Komissiyası Aİ-yə üzv dövlətlərlə birlikdə dünya standartlarına cavab verən “Avropa superkompüterləri”nin yaradılmasına investisiya qoymaq barədə planını təqdim edib.
Məlumatda bildirilir ki, “Avropa superkompüterləri” böyük miqdarda məlumatın işlənilməsi üçün lazımdır, habelə səhiyyədən və bərpa edilən enerji mənbələrindən tutmuş kibertəhlükəsizliyədək bütün sahələrdə fayda gətirəcək. Avropa Komissiyası layihəyə 486 min avro qoymaq məbləğindədir. 2020-ci ilədək təxminən 1 milyard avro məbləğində dövlət maliyyələşdirilməsi, habelə özəl yatırımlar olacaq.
Plana görə, dünya standartlarına cavab verən EuroHPC birgə müəssisəsinin hüquqi və maliyyə strukturu bütün Avropada fəaliyyət göstərəcək.
Nigar Cəfərli
AZƏRTAC-ın xüsusi müxbiri
Riqa
Bölmənin digər xəbərləri
