ELM VƏ TEXNOLOGİYA


AMEA Mərkəzi Nəbatat Bağının alimi qızıl medala layiq görülüb

A+ A

Bakı, 13 oktyabr, AZƏRTAC

Azərbaycan Milli Elmlər Akademiyası (AMEA) Mərkəzi Nəbatat Bağının (MNB) nadir və nəsli kəsilməkdə olan bitkilər laboratoriyasının baş elmi işçisi, biologiya elmləri doktoru Kərəm Əsədov “Avropa Nəşr Mətbu Evi” tərəfindən “Ən yaxşı vətənpərvər tədqiqatçı alim” qızıl medalına və diploma layiq görülüb.

MNB-dən AZƏRTAC-a bildirilib ki, mükafat tədqiqatçıya milli mənəvi dəyərlərimizin qorunmasında və istedadlı gənc alimlərin hazırlanmasında səmərəli fəaliyyətinə, cəmiyyətdəki fəal ziyalı mövqeyinə, çoxsaylı elmi-publisistik kitablarına, gənclərdə vətənpərvərlik hisslərinin aşılanmasında, ölkədə biologiya elmlərinin inkişafı tarixində göstərdiyi xidmətlərinə görə təqdim edilib.

Qeyd edək ki, alim Kiçik Qafqazda meşə tiplərinin müəyyənləşdirilməsi, Azərbaycan meşələrinin yabanı meyvə bitkilərinin xəritəsinin tərtibi, yabanı meyvələrin qruplara görə fenoloji fazalarının tədqiq edilməsi sahəsində uğurlu elmi-tədqiqatlar aparıb, ümumilikdə 102 elmi əsərin, səkkiz monoqrafiyanın müəllifidir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.