ELM VƏ TƏHSİL


AMEA əməkdaşları layihə təklifləri verəcəklər

Bakı, 28 iyul, AZƏRTAC 

Azərbaycan Milli Elmlər Akademiyası (AMEA) ilə Bolqarıstan Elmlər Akademiyası (BEA) arasında imzalanmış əməkdaşlıq müqaviləsi üzrə müştərək proqram çərçivəsində AMEA-nın elmi müəssisələrinin əməkdaşlarının 2018-ci il üçün layihə müsabiqəsi elan edilir.

AMEA-dan AZƏRTAC-a bildiriblər ki, müsabiqədə Qara dəniz və Xəzər dənizi regionlarının mədəniyyəti, iqtisadiyyatı və enerji təhlükəsizliyi sahələrini əhatə edən layihə təkliflərinə üstünlük veriləcək.

Layihələr BEA-nın müvafiq elmi təşkilatlarından olan alimlərlə birlikdə ingilis dilində hazırlanmalıdır. Seçilən layihələr üçün ayrılmış maliyyə vəsaiti layihə çərçivəsində Bolqarıstana ezamiyyət xərclərini ödəmək üçün nəzərdə tutulur.

Layihə təklifləri sentyabrın 15-dək AMEA Rəyasət Heyəti Aparatının Beynəlxalq Əlaqələr İdarəsi tərəfindən Azərbaycan və ingilis dillərində qəbul edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.