ELM VƏ TEXNOLOGİYA


AMEA-nın Coğrafiya İnstitutunun əməkdaşları Gürcüstanda keçirilən regional seminarda iştirak ediblər

A+ A

Bakı, 27 sentyabr, AZƏRTAC

Azərbaycan Milli Elmlər Akademiyasının (AMEA) akademik H.Əliyev adına Coğrafiya İnstitutunun əməkdaşları Natəvan Cəfərova və Elvin Əmrahov sentyabrın 21-22-də Gürcüstanda qəza riskinin qiymətləndirilməsi məsələlərinə həsr olunmuş regional seminarda iştirak ediblər.

İnstitutdan AZƏRTAC-a bildiriblər ki, tədbirin keçirilməsində əsas məqsəd Avropa Şurasına üzv dövlətlərin qabaqcıl təcrübəsinə əsaslanaraq qəza riskinin (meşə yanğınları, sürüşmələr, ekstremal iqlim şəraiti və zəlzələlər) elmi əsaslarla, metodoloji qiymətləndirilməsi və onun tərəfdaş ölkələrdə fəal praktik istifadəsinə başlanılmasıdır.

Seminar iştirakçıları ölkələrinin bu sahədə əldə etdikləri nəticələri bölüşüb və fikir mübadiləsi aparıblar.

Tədbirdə gənc alimlərimizə sertifikatlar təqdim olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.