CƏMİYYƏT


ARGTMŞ-nin üzv təşkilatlarının nümayəndələri beynəlxalq tədbirə qatılıb

A+ A

Bakı, 1 oktyabr, AZƏRTAC

Azərbaycan Respublikası Gənclər Təşkilatları Milli Şurasının (ARGTMŞ) nümayəndələri Rusiya Federasiyasının Kaluqa vilayətində keçirilən beynəlxalq düşərgədə iştirak edib. Düşərgədə ARGTMŞ-nin üzvləri - “Bakı Gənclər Klubu” və "Azərbaycan Gənc Alim, Aspirant və Magistrlar Cəmiyyəti" ictimai birlikləri təmsil olunub.

ARGTMŞ-dan AZƏRTAC-a bildiriblər ki, “Dialoq 2016” Beynəlxalq Gənclər Düşərgəsinin məqsədi gənclər arasında mədəni müxtəlifliyin dəyərinin və mədəniyyətlərarası dialoqun qurulmasında gənclərin fəallılığının artırılmasıdır.

Düşərgədə iştirakçılar mədəniyyətlərarası dialoqun yerli icmalar arasında qurulması və inkişafı, cəmiyyətdə müsbət dəyişiklik imkanları haqqında müzakirələr aparıblar və bu istiqamətdə fəaliyyət strategiyası qurulub. Təlimlər zamanı, həmçinin potensial liderlərin üzə çıxarılması və onların yerli icmalar ilə işləməsinin təmin edilməsinə dəstək olmaq prioritet məsələlərdən idi. Tədbirin mədəniyyət gecəsində Azərbaycan nümayəndə heyəti uğurla çıxış edib. Mədəniyyət gecəsində Azərbaycanın milli tarixi haqqında məlumat verilib, milli rəqsləri, musiqisi ifa edilib və mətbəxi nümayiş olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.