CƏMİYYƏT


“ASAN School” - Gənclər üçün ən geniş təcrübə imkanları yaradan platforma

A+ A

Bakı, 21 sentyabr, AZƏRTAC

Bu gün ölkəmizdə gənclərə ən geniş təcrübə imkanları yaradan platforma “ASAN School” təcrübə məktəbidir. “ASAN School”dan məzun olan gənclərin sayı gündən-günə artmaqdadır. Hətta bu yaxınlarda bu say 9000 nəfəri ötmüşdür.

AZƏRTAC xəbər verir ki, “ASAN xidmət” mərkəzlərində könüllü fəaliyyətini bitirən gənclər üçün təcrübə bununla yekunlaşmır. “ASAN School” təcrübə məktəbi “Master 2” adlanan könüllülüyün ikinci pilləsini həyata keçirir.

Bununla da çoxsaylı tələbələr, ali təhsilini bitirən lakin iş təcrübəsi olmayan gənclər üçün geniş təcrübə imkanları yaranır. “Master 2” çərçivəsində könüllülər bir çox qurumlarda staj keçə bilir. Bunun üçün hər bir gənc öz ixtisasına, maraq dairəsinə, potensialına uyğun 3 istiqamətdən birini seçə bilər. Bu istiqamətlər inzibati menecment, biznes menecment və sosial menecment olaraq bölünür.

“ASAN School” təcrübə məktəbi hər istiqamətə müvafiq olaraq dövlət və qeyri-dövlət təşkilatları ilə əməkdaşlıq edir. Bu əməkdaşlıq çərçivəsində artıq 1000-dən çox könüllü Vergilər, Əmək və Əhalinin Sosial Müdafiəsi, Təhsil nazirlikləri, məhkəmələr, Dövlət Miqrasiya Xidməti, Dövlət Neft Fondu, yerli icra hakimiyyəti orqanları və digər təşkilatlarda təcrübədən yararlanıblar.

“Master 2”-yə müraciət etmək istəyən könüllülər artıq daha rahat və operativ müraciət edə bilərlər. Könüllü sadəcə fəaliyyət istiqamətini seçir və uyğun tarix üzrə müraciət edə bilir. Ətraflı məlumat almaq və müraciət etmək üçün www.asanschool.az ünvanına daxil olmaq lazımdır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.