CƏMİYYƏT


“ASAN qatar” sistemi fəaliyyətə başlayacaq

A+ A

Bakı, 11 iyul, AZƏRTAC

Prezident İlham Əliyev Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında “ASAN xidmət”in fəaliyyətindən də bəhs edib. Dövlətimizin başçısı artıq yeni bir layihə - “ASAN qatar” sisteminin də fəaliyyətə başlayacağı, yəni, qatarlar vasitəsilə xidmət göstəriləcəyi barədə məlumat verib.

Azərbaycan Prezidenti qeyd edib ki, “ASAN xidmət” mərkəzlərinə bu illər ərzində 10 milyon müraciət olub və bu rəqəm özlüyündə bir göstəricidir. “Hamımız yaxşı bilirik ki, “ASAN xidmət”lərdə ən yüksək səviyyədə xidmət göstərilir. Bürokratiya, süründürməçilik, rüşvət almaq yoxdur. Təmiz, şəffaf, mədəni xidmət göstərilir. Bu, ictimai xidmətlər sahəsində bir inqilab olub”, - deyə Prezident vurğulayıb. Dövlətimizin başçısı bu il Masallıda və Qəbələdə iki yeni mərkəzin yaradılacağını da diqqətə çatdırıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.