SİYASƏT


AŞPA yay sessiyası işinə başlayıb

Strasburq, 26 iyun, AZƏRTAC

İyunun 26-da Strasburqda Avropa Şurası Parlament Assambleyasının (AŞPA) yay sessiyası öz işinə başlayıb.

Azərbaycan Respublikası Milli Məclisinin beynəlxalq münasibətlər və parlamentlərarası əlaqələr komitəsinin sədri, AŞPA-dakı daimi nümayəndə heyətinin rəhbəri Səməd Seyidov və bir qrup deputat yay sessiyasında iştirak edir.

Sessiya müddətində Büronun və daimi komitənin inkişaf məruzəsi, Moldovanın Baş nazirinin və Avropa Şurası baş katibi Torbyon Yaqlandın, Monteneqronun Baş nazirinin çıxışları dinləniləcək.

AŞPA-nın hesabatlılıq prinsipinin tanınması və həyata keçirilməsi ilə bağlı debatlar keçiriləcək.

Çexiya Respublikasının xarici işlər naziri ilə fikir mübadiləsi aparılacaq, Belorusiyada vəziyyətlə bağlı debat keçiriləcək. Avropada miqrasiya və qaçqın böhranı ilə bağlı məruzələr dinləniləcək və müzakirələr aparılacaq.

Cari müzakirələr çərçivəsində Türkiyənin təklif etdiyi “Avropada terrorizmə qarşı birgə mübarizə” mövzusunda müzakirələrin keçirilməsi gözlənilir.

Azərbaycan nümayəndə heyətinin üzvləri AŞPA komitələrinin və siyasi qruplarının işində də iştirak edəcəklər.

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.