SİYASƏT


ATƏT PA-nın sessiyasında erməni deputatların daha bir təklifi rədd edilib

A+ A

Tbilisi, 4 iyul, AZƏRTAC

Tbilisidə ATƏT Parlament Assambleyasının 25-ci yay sessiyası işini davam etdirir.

İyulun 4-də qurumun demokratiya, insan haqları və humanitar məsələlər komitəsinin iclasında ATƏT regionunda demokratiyanın inkişafı, insan haqlarının vəziyyəti, humanitar durum və s. məsələlər, eləcə də bu komitənin yekun qətnaməsinin layihəsi müzakirə olunub.

Ermənistandan olan deputatlar qətnamənin “ATƏT regionunda artan zorakılıq və diskriminasiya hərəkətlərinin araşdırılmasının vacibliyi” bəndinə “milli azlıqlar və dini qruplar” sözlərinin də əlavə olunmasını təklif ediblər.

Azərbaycan nümayəndə heyəti isə belə bir əlavəyə ehtiyacın olmadığını bildirib.

Nümayəndə heyətinin üzvü, Milli Məclisin deputatı Ülviyyə Ağayeva deyib ki, zorakılıq və diskriminasiya hərəkətlərini dini və milli mənsubiyyətə ayırmaq düzgün deyil və bu, yeni problemlərin yaranmasına səbəb ola bilər.

Azərbaycanlı deputatın təklifi komitə üzvləri tərəfindən də dəstəklənib.

Müzakirələrdən sonra Ermənistan tərəfinin təklifi qəbul olunmayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.