İQTİSADİYYAT


AZAL sərnişinləri Ramazan bayramı günlərində uçuşlarda ikiqat millər əldə edəcəklər

A+ A

Bakı, 5 iyul, AZƏRTAC

AZAL Miles bonus proqramı çərçivəsində “Azərbaycan Hava Yolları”nın (AZAL) reyslərində sərnişinlərə Ramazan bayramı müddətində (6 və 7 iyul) ikiqat səyahət və status balları təqdim olunacaq.

“Azərbaycan Hava Yolları” QSC-nin mətbuat xidmətindən AZƏRTAC-a bildirilib ki, bununla yanaşı, Moskva, İstanbul, Kiyev, Minsk, Sankt-Peterburq, Milan, Paris, Pekin, Praqa, Dubay istiqamətləri üzrə oktyabrın 15-dək olan uçuşlara biznes sinif aviabilet alan AZAL Miles proqramı iştirakçıları 50 faiz daha çox status və səyahət balları qazana biləcəklər.

AZAL Miles bonus proqramı barədə ətraflı məlumat ilə https://www.azal.az/az/azal-miles/miles-programme linkində tanış olmaq olar.

Proqram iştirakçısı olmayan şəxslər http://ffj2.loyaltyplus.aero/j2loyalty/register.jsf?lang=az link vasitəsilə qeydiyyatdan keçə bilər.

Bundan əlavə, Moskva, Kiyev, Minsk, Sankt-Peterburq, Paris və Milan kimi şəhərlərə sentyabrın 12-dən dekabrın 10-dək olan uçuş tarixlərinə sentyabrın 15-dək biznes sinif aviabilet alan sərnişinlər güzəştli tariflərdən yararlana bilərlər.

Aviabiletləri şirkətin www.azal.az saytında bronlaşdırmaq və ya AZAL-ın kassalarında, həmçinin aviaşirkətin rəsmi agentliklərində əldə etmək mümkündür.

Aviabiletləri əldə etmək və daha ətraflı məlumat almaq üçün (+99412) 598-88-80; *8880, telefon nömrələri ilə və [email protected] elektron ünvanı ilə əlaqə saxlamaq olar.

AZAL Miles bonus proqramı ilə bağlı sualları ya [email protected] email ünvanına və ya www.azal.az saytındakı əlaqə forması vasitəsilə göndərmək olar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.