Avqust ayının 17-22 tarixlərində xarici işlər nazirinin müavini Xələf Xələfovun başçılıq etdiyi Azərbaycan nümayəndə heyəti Suriya Ərəb Respublikasında və İordaniya Haşimilər Krallığında səfərdə olmuşdur. Səfər Azərbaycan Respublikasının Prezidenti Heydər Əliyevin Suriyanın Prezidenti Bəşşar əl-Əsədə və İordaniyanın Kralı II Abdullah bin Hüseynə məktublarını təqdim etmək və ikitərəfli əlaqələrin genişləndirilməsinədair müzakirələr aparmaq məqsədi ilə həyata keçirilmişdir.

 Azərbaycan nümayəndələri Suriyayagəldiyi vaxt prezident Bəşşar əl-Əsəd Küveytdə rəsmi səfərdəolduğuna görə, nümayəndə heyətini Dəməşqdə ölkənin baş naziri Məhəmməd Mustafa Miro qəbul etmişdir. X.Xələfov Azərbaycan Respublikasının Prezidenti Heydər Əliyevin Suriya prezidenti Bəşşar əl-Əsədə məktubunu baş nazirə təqdim etmişdir.  Dövlətimizin başçısı öz məktubunda Suriya Pezidentini Azərbaycana dəvət etdiyini bildirmiş, iki dövlət arasında qarşılıqlı münasibətlərin daha yüksək səviyyəyə çatdırılması arzusunu ifadə etmişdir. Səmimilik və qarşılıqlı anlaşma şəraitində keçən görüşdə ikitərəfli münasibətlərin hazırkı vəziyyətindən söhbət açılmışdır. M.M.Miro SuriyanınAzərbaycanla hərtərəfli əlaqələrin inkişaf etdirilməsinə tərəfdar olduğunu bildirmişdir.

Tərəflər müxtəlif sahələrdə əməkdaşlığın inkişaf etdirilməsi zərurətini qeyd etmiş, hər iki dövlətin paytaxtında səfirliklərin açılmasının, əlaqələrin inkişafına əlverişli şərait yaradacağını vurğulamışlar.

Azərbaycan Xarici İşlər Nazirinin müavini X.Xələfov beynəlxalq təşkilatlar, xüsusilə BMT və İslam Konfransı Təşkilatı çərçivəsində iki dövlətin mövqelərinin uzlaşdırılmasının və əlaqələndirilməsinin vacibliyindən söz açmış, bu sahədə əməkdaşlığın daha konstruktiv məcraya yönəldilməsinin zəruriliyini bildirmişdir. O, Suriya baş nazirinə Azərbaycan torpaqlarının Ermənistan tərəfindən işğal edilməsi, 1 milyondan çox Azərbaycan vətəndaşımızln öz doğma yurdlarından didərgin düşməsi, Qarabağ münaqişəsinin sülh yolu ilə həll edilməsi istiqamətində aparılan danışıqlar və ölkədə həyata keçirilən siyasi və iqtisadi islahatlar barədə  ətraflı məlumat vermişdir.

Daha sonra Azərbaycan nümayəndə heyəti Suriyanın Xarici İşlər Nazirliyində siyasi məsləhətləşmələr aparmış, ölkənin turizm naziri Qasım Miqdad, ali təhsil naziri Həsən Rişa, neft vəmineral ehtiyatlar naziri Məhəmməd Mahir Hüsni Camal ilə görüşmüşdür. Azərbaycanın zəngin neft ehtiyatlarına malik olduğunu vurğulayan neft vəmineral ehtiyatlar naziri ölkəsinin bu sahədərespublikamızlaəməkdaşlıq etməyə hazır olduğunu bildirmişdir.

                                    X                         X                       X

        Avqust ayının 20-də Azərbaycan nümayəndə heyəti İordaniyanın paytaxtı Əmman şəhərinə gəlmişdir.İordaniyanın kralı II Abdullah Azərbaycan xarici işlər nazirinin müavini Xələf Xələfovu  qəbul etmişdir. X.Xələfov Azərbaycan Respublikasının Prezidenti Heydər Əliyevin məktubunu kral II Abdullaha təqdim etmişdir. Kral II Abdullah Prezident Heydər Əliyevin onu Azərbayacana səfərədəvət etməsinə görə təşəkkürünü bildirmiş, münasib vaxtda ölkəmizə gələcəyinə söz vermişdir. İordaniya dövlətinin başçısı Azərbaycanla siyasi, iqtisadi və mədəni sahələrdə hərtərəfli əlaqələrin inkişaf etdirilməsində maraqlı olduğunu vurğulamışdır.

        Həmin gün Azərbaycanın nümayəndə heyətinin İordaniyanın xarici işlər naziri Əbdülilah Xətiblə görüşü olmuşdur. X.Xələfov Azərbaycanınxarici işlər naziri Vilayət Quliyevin salamını İordaniya nazirinə çatdırmış, Azərbaycan-Ermənistan münaqişəsi məsələsindəİordaniyanın tutduğu mövqeyə görə təşəkkürünü bildirmişdir. Görüşdə iki ölkəninxarici siyasət idarələri arasında əlaqələrin genişləndirilməsi, BMT, İslam Konfransı Təşkilatı kimi beynəlxalq təşkilatlar çərçivəsində mövqelərin əlaqələndirilməsi barədə razılıq əldə olunmuşdur.

        Daha sonra Azərbaycan nümayəndə heyəti İordaniyanınturizm naziri Talib Rifai, Ali təhsil şurasının baş katibi doktor Ömər Şədifatla görüşmüş, Ticarət Palatasında danışıqlar aparmışdır. Bu görüşlərdə turizm, ticarət və ali təhsil sahələrindəəməkdaşlığın perspektivləri haqqında söhbət getmiş, iqtisadi-ticarət əlaqələrinin inkişafı, tələbə-müəllim mübadilələri barədə razılıq əldəolunmuşdur.

        Azərbaycan Respublikasının Yaxın Şərq bölgəsi dövlətləri iləəməkdaşlığının genişləndirilməsi və möhkəmləndirilməsi dövlətimizin bu mühüm regionda rolunun və nüfuzunun artmasına xidmət edir.