RƏSMİ SƏNƏDLƏR
AZƏRBAYCAN RESPUBLİKASININ “POLİS VETERANI” MEDALININ ƏSASNAMƏSİ
Azərbaycan Respublikasının
2006-cı il 21 aprel tarixli
Qanunu ilə təsdiq edilmişdir
AZƏRBAYCAN RESPUBLİKASININ “POLİS VETERANI” MEDALININ
ƏSASNAMƏSİ
1. “Polis veteranı” medalı ilə Azərbaycan Respublikasının daxili işlər orqanlarında (SSRİ daxili işlər orqanlarında xidmət müddəti də nəzərə alınmaqla) 30 təqvim ili və daha çox nümunəvi xidmət etmiş daxili işlər orqanlarının əməkdaşları təltif edilirlər.
2. Daxili işlər orqanlarının əməkdaşları “Polis veteranı” medalı ilə Azərbaycan Respublikasının müvafiq icra hakimiyyəti orqanı tərəfindən təltif edilirlər.
3. “Polis veteranı” medalı döşün sol tərəfinə, Azərbaycan Respublikasının digər orden və medalları olduqda, onlardan sonra taxılır.