RƏSMİ SƏNƏDLƏR
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Cənab Prezident,
Əziz dost,
Sizin mənə ünvanladığınız təbrik məktubu məni çox təsirləndirdi və bunun üçün Sizə öz minnətdarlığımı bildirirəm.
Öz növbəmdə, Azərbaycanın milli bayramı münasibətilə Sizə hərarətli təbriklərimi çatdırmaqdan məmnunam. Şəxsən Sizə və Azərbaycan xalqına səmimi qəlbdən xoşbəxtlik , firavanlıq və uğurlar arzulayıram.
Bizim ikitərəfli əlaqələrimizin çox ümidverici gedişinə verdiyiniz qiymətə tam şərik olmaqla mən ikinci mandatım ərzində onların möhkəmləndirilməsinin davam etməsinə çalışacağıma qərarlıyam.
Bilin ki, Dağlıq Qarabağ münaqişəsinin sülh və danışıqlar yolu ilə həllinin axtarılmasında mənim şəxsi və davamlı öhdəliyimə həmişə etibar edə bilərsiniz.
Cənab Prezident, Sizə böyük hörmət və ehtiramım olduğuna əmin ola bilərsiniz.
Dostluq hissləri ilə,
Jak Şirak
Fransa Respublikasının Prezidenti
Paris, 24 may 2002-ci il