RƏSMİ SƏNƏDLƏR
AZƏRBAYCAN RESPUBLIKASININ QANUNU
AZƏRBAYCAN RESPUBLIKASININ “DÖVLƏT QULLUĞUNDA FƏRQLƏNMƏYƏ GÖRƏ” MEDALININ ƏSASNAMƏSININ VƏ TƏSVIRININ TƏSDIQ EDILMƏSI BARƏDƏ
Azərbaycan Respublikasının “Dövlət qulluğunda fərqlənməyə görə” medalının Əsasnaməsi və təsviri təsdiq edilsin (əlavə olunur
İlham Əliyev,
Azərbaycan Respublikasının Prezidenti.
Bakı şəhəri, 7 noyabr 2003-cü il.
AzərbaycanRespublikasının
2003-cü il 7 noyabr tarixli
Qanunu ilə təsdiq edilmişdir
Azərbaycan Respublikasının “Dövlət qulluğunda fərqlənməyə görə” medalının Əsasnaməsi
1. Azərbaycan Respublikasının “Dövlət qulluğunda fərqlənməyə görə” medalı dövlət qulluqçularına aşağıdakılara görə verilir:
milli dövlət quruculuğu sahəsinə aid mühüm layihələrin hazırlanmasında və onların həyata keçirilməsində fəal iştiraka görə;
dövlət orqanlarında vicdanlı fəaliyyətə və xüsusi xidmətlərə görə.
2. “Dövlət qulluğunda fərqlənməyə görə” medalı döşün sol tərəfinə, Azərbaycan Respublikasının digər orden və medalları olduqda, onlardan sonra taxılır.
AzərbaycanRespublikasının
2003-cü il 7 noyabr tarixli
Qanunu ilə təsdiq edilmişdir
“Dövlət qulluğunda fərqlənməyə görə” medalının təsviri
“Dövlət qulluğunda fərqlənməyə görə” medalı bürüncdəndir, milli ornamentlərlə naxışlanmış lövhə şəklində tərtib edilmişdir. Diametri 35 mm olan lövhənin mərkəzində Azərbaycan Respublikasının Dövlət Gerbi təsvir edilmişdir. Gerbin ətrafı boyunca paylanan şüaların üstündə “Dövlət qulluğunda fərqlənməyə görə” sözləri yazılmışdır. Bütün yazılar və təsvirlər qabarıqdır.
Medalın arxa tərəfi hamar səthlidir, ortasında medalın nömrəsi həkk olunmuşdur.
Medal paltara bərkidilmək üçün elementi olan 27 mm x 43 mm ölçüdə sarımtıl-cəhrayı çalarlı beşbucaqlı xara lenti halqa və ilgək vasitəsi ilə birləşdirilir.
Medala paltara bərkidilmək üçün elementi olan, milli ornamentlə naxışlanan eyni xara lentdən hazırlanmış 27 mm x 9 mm ölçülü qəlib əlavə olunur.