RƏSMİ SƏNƏDLƏR
AZƏRBAYCAN RESPUBLIKASININ QANUNU
“AZƏRBAYCAN RESPUBLIKASININ ORDEN VƏ MEDALLARININ TƏSIS EDILMƏSI HAQQINDA” AZƏRBAYCAN RESPUBLIKASININ QANUNUNA ƏLAVƏLƏR EDILMƏSI BARƏDƏ
Azərbaycan Respublikasının Milli Məclisi qərara alır:
I. “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununa aşağıdakı əlavələr edilsin:
1) 1-ci maddədə “Şöhrət” ordeni” sözlərindən sonra “Vətənə xidmətə görə” ordeni” sözləri əlavə edilsin;
2) 2-ci maddədə “Qüsursuz xidmətə görə” medalı” sözlərindən sonra “Dövlət qulluğunda fərqlənməyə görə” medalı” sözləri əlavə edilsin.
II. Bu Qanun dərc edildiyi gündən qüvvəyə minir.
İlham Əliyev,
Azərbaycan Respublikasının Prezidenti.
Bakı şəhəri, 7 noyabr 2003-cü il.